நாடா­ளு­மன்­றத்­தில் – வக்ஃபு சட்­டம் மீதான விவா­தத்­தில் – தயா­நி­தி­மா­றன் கண்­ட­னம் !

மக்­க­ள­வை­யில் 12 மணி நேரத்­திற்­கும் மேலாக நீடித்து, நள்­ளி­ர­வைக் கடந்து நடை­பெற்ற வக்ஃப் (திருத்த) மசோதா குறித்த கடு­மை­யான விவா­தங்­கள் எழுந்­தன.

ஒன்­றிய பா.ஜ.க. அரசு கொண்டு வந்த இந்த மசோதா, சிறு­பான்மை­யின­ரின் உரி­மை­க­ளைப் பாதிக்­கும் வகை­யில் செயல்­ப­டும் என்று கடும் எதிர்ப்பு கிளம்­பி­யது.

திரா­விட முன்­னேற்­றக் கழ­கத்­தின் சார்­பில், கழக நாடா­ளு­மன்­றக் குழு­வின் துணைத் தலை­வர் தயா­நிதி மாறன் இந்த மசோ­தா­விற்கு எதி­ராக தீவி­ர­மாக உரை­யாற்­றி­னார்.

மசோ­தா­வின் அர­சி­யல் நோக்­கத்­தை­யும், முஸ்­லிம் சமூ­கத்­தின் மீதான அதன் தாக்­கத்­தை­யும் அவர் தெளி­வா­கச் சுட்­டிக்­காட்­டி­ னார்.

உத்­த­ரப் பிர­தே­சத்­தில் பா.ஜ.க. வின் ஆத­ரவு குறைந்­தி­ருப்­ப­தை­யும், வெற்­றிக்­காக மத அர­சி­ய­லைத் தூண்­டும் உத்­தி­க­ளை­யும் அவர் வெளிப்­ப­டுத்­தி­னார்.

பா.ஜ.க. அரசு, தனது நண்­பர்­க­ளான பெரிய தொழி­ல­தி­பர்­க­ளுக்கு ஆத­ர­வாக செயல்­ப­டு­வ­தா­க­வும், சிறு­பான்­மை­யி­ன­ரின் சொத்­துக்­க­ளைக் கட்­டுப்­ப­டுத்­தும் வலையை விரிப்­ப­தா­க­வும் அவர் குற்­றம் சாட்­டி­னார்.

அவ­ரு­டைய உரை பின்­வ­ரு­மாறு:

இன்று திரா­விட முன்­னேற்­றக் கழ­கத்­தின் சார்­பாக இந்த வக்ஃப் மசோ­தாவை எதிர்த்து உரை­ யாற்­று­கி­றேன். இந்த மசோ­தா­வைக் கொண்­டு­வ­ரு­வ­தற்கு முக்­கி­யக் கார­ணம் எண்­ணிக்­கை­க­ளில் தெரி­கி­றது: 71, 62, 36. இவை என்­ன­வென்று தெரி­யுமா?

2014இல் உத்­த­ரப் பிர­தே­சத்­தில் பா.ஜ.க. வென்ற எம்.பி. இடங்­கள் 71, 2019இல் 62, 2024இல் 36. 1990இல், ‘பாபர் மசூ­தியை இடிக்க வேண்­டும், அங்கு ராமர் கோயி­லைக் கட்ட வேண்­டும், ஸ்ரீராம் ஜெய் ஸ்ரீராம்’ என்று கூறி 71 இடங்­க­ளைப் பிடித்­தார்­

கள். பின்­னர் அவர்­க­ளின் செல்­வாக்கு சரிந்து, 36 இடங்­க­ளு­டன் ராமர் கோயி­லைத் திறந்­தார்­கள்.

இஸ்­லா­மி­யர்­க­ளி­ட­மி­ருந்து பாபர் மசூ­தி­யைப் பறித்­த­தோடு, இந்­துக்­க­ளி­ட­மி­ருந்து, குறிப்­பாக ஏழை விவ­சா­யி­க­ளி­ட­மி­ருந்து, சுமார் 4,500 ஏக்­கர்­க­ளைப் பறித்­தார்­கள். விமான நிலை­யங்­கள், சாலை­கள், பணக்­கா­ரர்­க­ளுக்­காக ஐந்து நட்­சத்­திர ஓட்­டல்­கள் கட்­டு­வ­தற்­காக இதைச் செய்­தார்­கள்.

இதன் விளைவு என்ன? 2024 தேர்­த­லில் அயோத்­தி­யில் வெற்றி பெற்­ற­வர் யார்? சமாஜ்­வாடி கட்­சி­யைச் சேர்ந்­த­வர் 56,811 வாக்­கு­க­ளால் வென்­றார். இதை அவர்­க­ளால் தாங்க முடி­ய­வில்லை. இந்­துக்­க­ளுக்­கும் முஸ்­லிம்­க­ளுக்­கும் இடையே வெறுப்­பைத் தூண்­டி­னால் மட்­டுமே தங்­க­ளுக்கு வெற்றி கிடைக்­கும் என்று அவர்­கள் நினைக்­கி­

றார்­கள்.

அவர்­க­ளின் வெற்­றிக்கு கார­ணம் வெறுப்பு, வெறுப்பு உணர்வு, பிரி­வினை அர­சி­யல் மட்­டுமே.

நான் கேட்­கி­றேன், ‘ஆடு நனை­கி­றது என்று ஓநாய் அழு­கி­ற­தாமா? இஸ்­லா­மி­யர்­க­ளைப் பற்றி வருத்­தப்­ப­டு­வது போல் நடிக்­கி­றீர்­களா?’ தொடர்ந்து இஸ்­லா­மி­யர்­க­ளுக்கு எதி­ராக மசோ­தாக்­க­ளைக் கொண்­டு­வந்­தது யார்? அமித் ஷா அவர்­கள்­தானே!

காஷ்­மீர் மசோ­தா­வைக் கொண்­டு­வந்­த­தும் அவர்­தானே! அப்­போது நாங்­கள் கேட்­டோம், ‘வட இந்­தி­யா­வுக்கு மட்­டும் மசோதா கொண்டு வரு­கி­றீர்­கள், இலங்­கைத் தமி­ழர்­க­ளுக்கு ஏன் கொண்டு வர­வில்லை?’ என்று. ஆனால் உங்­கள் காதில் அது விழ­வில்லை.

உங்­க­ளுக்கு வந்­தால் ரத்­தம்­எங்­க­ளுக்கு வந்­தால் தக்­காளி சட்­னியா?

இன்று இந்த மசோ­தா­வைக் கொண்­டு­வ­ரு­கி­றீர்­கள். வக்ஃப் சொத்­துக்­கள் குறைந்த விலைக்கு விற்­கப்­ப­டு­கின்­ற­னவா? இத­னால் யார் கஷ்­டப்­ப­டு­கி­றார்­கள் என்று பாருங்­கள்! ‘உங்­க­ளுக்கு வந்­தால் ரத்­தம், எங்­க­ளுக்கு தக்­காளி சட்­னியா?’ என்று கேட்­கி­றேன்.

ஏர் இந்­தி­யாவை 16,000 கோடிக்கு விற்­றீர்­கள், ஆனால் அதன் கடன் 63,000 கோடி. உங்­கள் நண்­பர்­க­ளான அதானி, அம்­பானி போன்­றோ­ருக்கு 4.5 லட்­சம் கோடி கட­னைத் தள்­ளு­படி செய்­தீர்­கள். அதற்கு மசோதா கொண்­டு­வ­ர­வில்­லையே? இப்­போது பெண்­க­ளுக்­காக என்று சொல்­கி­றீர்­கள்.

தமிழ்­நாட்­டில் வக்ஃப் வாரி­யத் தலை­வ­ராக ஒரு பெண் இருந்­தி­ருக்­கி­றார். இப்­போ­தும் இரண்டு பெண்­கள் உள்­ள­னர். ஒரு­வர் தமிழ்­நாடு முஸ்­லிம் லீக் முன்­னாள் தலை­வர் அப்­துல் சம­தின் மகள், முன்­னாள் எம்பி. பெண்­கள் ஏற்­கெ­னவே இதில் இருக்­கி­ றார்­கள்; நீங்­கள் புதி­தாக எதையோ செய்­வது போல் நடிக்­கி­றீர்­கள்.

ஏன் இந்­தப் பிரி­வினை வாதம்?

உண்­மை­யில், உங்­க­ளுக்கு உத்­த­ரப் பிர­தே­சத்­தில் வெற்றி வேண்­டும். அங்கு வென்­றால் மட்­டுமே ஆட்­சிக்கு வர முடி­யும். வக்ஃப் நிலங்­க­ளைப் பார்த்­தால், இந்­தி­யா­வில் 8,70,000 சொத்­துக்­கள், 9,40,000 ஏக்­கர்­கள், சுமார் 1.2 லட்­சம் கோடி மதிப்பு உள்­ளது. இதில் 25% உத்­த­ரப் பிர­தே­சத்­தில் உள்­ளது. இதை விட்­டு­வி­டு­வீர்­களா? ஏன் இந்­தப் பிரி­வி­னை­வா­தம்?

இந்த அரசு சிறு­பான்­மை­ய­ருக்கு எதி­ரா­கவே செயல்­ப­டு­கி­றது. வாஜ்­பாய் காலத்­தில் ஒரு இஸ்­லா­மிய அமைச்­சர் இருந்­தார். இப்­போது உங்­க­ளி­டம் ஒரு இஸ்­லா­மிய கூட இல்லை.

நாங்­க­ளா­வது முஸ்­லிம்­க ­ளு­டன் கூட்­டணி வைத்து, ராஜ்­ய­ச­பா­வில் முஸ்­லிம் எம்பி வைத்­தி­ருக்­கி­றோம். இன்று ஒரு சிறு­பான்மை அமைச்­ச­ரும் உள்­ளார். நீங்­கள் நல்­லது எதை­யும் செய்­ய­வில்லை.

முத­லில் இஸ்­லா­மி­யர்­களை ஒழித்­தார்­கள், அடுத்து கிறிஸ்­த­வர்­களை ஒழிப்­பார்­கள், பின்­னர் தலித்­களை ஒழிப்­பார்­கள், பின் யாரும் மிச்­ச­மி­ருக்க மாட்­டார்­கள்.

நீங்­கள் பசுத்­தோ­லைப் போர்த்­திய புலி­யைப் போல் மக்­களை ஏமாற்றி, வாக்கு வங்கி அர­சி­யல் செய்­கி­றீர்­கள். இதைச் செய்­யா­தீர்­கள். நன்றி, மிக­வும் நன்றி, அவைத் தலை­வர் அவர்­களே, இந்த வாய்ப்பை அளித்­த­தற்கு நன்றி.

இவ்­வாறு அவர் உரை­யாற்­றி­னார்